Sinasabing ang barangay Sibul Springs ay
tunay na pinagpala dahil sa mga biyayang ipinagkalob mula dito sa Panginoon na
lubos na nagpatingkad sa kagandahan nito. Nariyan ang Banal na Bundok na mistulang
isang paraiso na unti-unting nagiging atraksyon samaraming tao lalo na sa mga
taga-ibang nayon; Madlum, na sumisikat sa tinataglay ng Madlum Cave; Grotto na
tinitingala dahil sa mga naglalakihan at tila higanteng mga santo at marami
pang iba. Ngunit sa kabila ng mga ito, nagsisilbi paring isang napakalaking
katanugnan kung ano ang barangay na ito bago tawaging Barangay Sibul Springs.
Sa
paanan ng bundok sa San Miguel, probinsya ng Bulacan, matatagpuan ang isang
baryo na tinawag na Sibul Springs. Nagsimula ito sa kwento ng isang diwata.
Noong
unang panahon, may isang napakagandang diwata ang naninirahan sa isang kweba sa
loob ng kagubatan kasama ang kanyang alagang puting usa. Sa paanan ng bundok,
may isang nayon ang tila kakaiba sa lahat kung saan nakatira si Makisig kasama
ang kanyang lola sa isang kubong yari sa sawali.
Si
Makisig ay matipuno, malakas, at tanyag bilang isang magaling na mangagaso.
Dahil sa mga katangian niyang ito, lahat ng mga babae sa nayon ay naakit sa kanya at nagkakagusto.
Kung kaya’t pinagkasundo na siya ng kanyang lola sa isang babae sa kanilang
nayon. Dahil dito, hiniling ng ina ng kanyang nobya na puting usa ang iregalo
sa kanyang anak sa araw ng kanilang kasal.
Sa
kagustuhan ni Makisig na maibigay ang hinihiling ng ina ng kanyang kasintahan
ay nagplano siyang umakyat ng bundok upang makahuli ng puting usa.
Isang
umaga, masiglang-masigla sina Makisig sa pag-akyat niya sa bundok. Ilang
sandali pa lamang, ay namataan niya na may isang puting usa ang kumakain na
nahaharangan ng nagtataasang mga damong talahib. Dahan-dahan niya itong
nilapitan. Hindi sinasadyang nalalag ang dala niyang sibat na sanhi ng pagtakbo
palayo ng puting usa. Hindi nagdalawang isip na habulin ito ni Makisig sa halip
na maghanap na lamang ng panibago. Hinabol niya ito nang hinabol hanggang sa
makarating siya sa kweba ng diwata. Sa hindi inaasahang pagkakataon, naakit ang
diwata kay Makisig na sanhi ng pagtatagal ng binata sa kweba ng ilang araw.
Nagsama
silang dalawa. Dahil isa ngang diwata ang magandang binibini, lahat ng naisin
ni Makisig ay kanyang ibinibigay tulad ng masasarap na pagkain na hindi pa niya
natitikman sa tanang buhay niya. Sa kasamaang palad, naudlot ang pagsasama
nilang ito nang isang gabi naalala ni Makisig ang nag-iisang lola sa kanilang
nayon.
Kinaumagahan,
ay nilisan niya ang kweba kasama ang puting usa na ihahandog niya sa ina ng
kanyang kasintahan sa nayon.
Sumapit
na ang araw ng pag-iisang dibdib ni Makisig sa kanyang nobya. Hindi pa
nagtatagal ang kanilang pagsasama ay nagkasakit si Makisig ng hindi ordinaryong
karamdaman. Hindi ito malunasan ng kahit sinuman kaya’t siya’y namatay.
Makalipas
ang ilang araw ng kanilang kamatayan, biglang bumuhos ang napakalakas na ulan.
Nagsilikas ang mga taganayon. Umakyat sila sa bundok at doon nila nakita ang
kweba ng diwata. Nagdesisyon silang manatili doon hanggang sa humupa ang baha
at tumigil ang ulan. Paglabas nila sa kweba, hindi alintangang sumabog ang
bulkan na malapit dito. Ngunit sa halip na mainit at nagliliyab na lahar ang ilabas
nito, tubig ang binigay nito sa mga tao.
Nakilala
ang lugar na ito sa dalawang magagandang bagay na sadyang maipagmamalaki. Una
ay dahil sa likas at natural nitong kagandahan at pangalawa ay sa pagiging
natatangi nito dahil sa biyayang natatamasa ng buong barangay dahil sa
napakadaming bukal na naglitawan na sa ngayon ay napakikinabangan ng mga tagabarangay
Sibul at pinaniniwalaan pang nakakapagpagaling ng iba’t ibang sakit sa balat.
‘Yan
ang barangay ko, ang Barangay SIBUL SPRINGS!
(c) Ang Bukal - Opisyal na Pahayagan ng JJRMHS
No comments:
Post a Comment